https://textus-receptus.com/index.php?action=history&feed=atom&title=2_Peter_1_Urdu_Hindustani_Bible_1878 2026-05-21T21:16:14Z Revision history for this page on the wiki MediaWiki 1.45.3 https://textus-receptus.com/index.php?title=2_Peter_1_Urdu_Hindustani_Bible_1878&diff=365061&oldid=prev 2023-01-31T08:38:56Z

<p>New page: {{Books of the Urdu Hindustani 1878 New Testament}} PATRAS KA DUSRA KHATT 1 BÁB * 1 Shamaum Patras ki taraf , jo yisu&#039; Masih ka banda aur rasul hai, un ko jinhon ne hamare Khuda aur B...</p> <p><b>New page</b></p><div>{{Books of the Urdu Hindustani 1878 New Testament}}<br /> <br /> PATRAS KA DUSRA KHATT <br /> <br /> 1 BÁB<br /> <br /> * 1 Shamaum Patras ki taraf , jo yisu&#039; Masih ka banda aur rasul hai, un ko jinhon ne hamare Khuda aur Bachanewale Yisu&#039; Masih ki rastbazi se aisa iman paya, jo hamare iman ka ham-qimat hai.<br /> <br /> * 2 Khuda aur hamare Rhudawand Yisu Masih ki pahchan se, fazl aur salamati tumhare liye ziyada hoti jawe.<br /> <br /> * 3 Chunanchi us ki khudai ki qudrat ne hamen sab chizen, jo zindagi aur dindari se taalluq rakhti hain, us ki pahchan se &#039;inayat kin, jis ne ham ko jalal aur neki se bulaya.<br /> <br /> * 4 Un ke wasile nihayat bare aur qimati wade ham se kiye gaye; taki tum us gandagi se, jo dunya men buri khwahish ke sabab hai, chhutkar un ke wasile tabiat ilahi men sharik ho jao.<br /> <br /> * 5 Aur is waste tum us men kamal koshish karke apne iman par neki, aur neki par &#039;irfan.<br /> <br /> * 6 Aur &#039;irfan par parhezgari, aur parhezgari par sabr, aur sabr par dindari.<br /> <br /> * 7 Aur dindari par biradarana ulfat, aur biradanuia ulfat par muhabbat barhao.<br /> <br /> * 8 Ki ye chizen agar tum men hon, aur barhti bhi jawen, to tum ko hamare Khudawand Yisu Masih ki pahchan men gafil aur bephal na hone dengi.<br /> <br /> * 9 Par jis ke pas yih chizen nahhi hain, wuh andha, aur ankhen mundta hai, aur apne agle gunahon ke dhoe jane ko bhul baitha.<br /> <br /> * 10 Is liye, bhaio, ziyadatar koshish karo, ki tumhari bulahat aur barguzidagi sabit ho: kyunki agar tum aisa karo, to kabhi na giroge.<br /> <br /> * 11 Balki tum hamare Khudawand aur Bachancwale Yisu Masih ki abadi badshahat men bari &#039;izzat ke sath dakhil hoge.<br /> <br /> * 12 Is liye main yih baten tumhen yad dilane se kabhi gafil na hunga, agarchi tum waqif ho, aur is sachai par jo ab zahir hui qaim ho.<br /> <br /> * 13 Balki main ise wajib janta hun, ki jab tak is khaima men hun, tumhen yad dila dilake ubharun.<br /> <br /> * 14 Kyunki main janta hun ki, jaisa hamare Khudawand Yisu Masih ne mujh par zahir kiya, wuh waqt jis men mera khaima giraya jae, nazdik pahuncha hai.<br /> <br /> * 15 So main koshish men huh, ki tum mere kuch karne ke bad in baton ko hamesha yad rakho.<br /> <br /> * 16 Kyunki ham ne, na failsufi ki kahanion ka pichha karke, balki ap us ki buzurgike dekhnewale hoke, apne Khudawand Yisu Masih ki qudrat aur ane ki khabar tumhen di.<br /> <br /> * 17 Ki us ne Khuda Bap se&#039;izzat o hurmat pai, jis waqt nihayat bare jalal se us ko aisi awaz ai, ki Yih mera piyara Beta hai, jis se main razi hun.<br /> <br /> * 18 Aur ham ne, jab us ke sath muqaddas pahar par the, yih awaz asman se ati suni.<br /> <br /> * 19 Aur hamara bhi nabion ka kalam hai, jo ziyada qaim hai; aur tum achchha karte ho, jo yih samajhkar is par nazar karte ho; ki wuh ek chirag hai, jo andheri jagah men, jab tak pau na phate, aur subh ka tara tumhare dilon men zahir na howe, roshni bakhshta hai.<br /> <br /> * 20 Yih sab se pahle janke, ki kitab ki koi peshingoi ap se nahin khulti.<br /> <br /> * 21 Kyunki nubuwat ki bat admi ki khwahish se kahili nahin hui balki Khuda ke muqaddas log Ruh i Quds ke bulwae bolte the.<br /> <br /> {{Donate}}</div>

Erasmus